कोणीतरी

कोणीतरी म्हणालं आहे, इतरांसाठी थोडं जगून पाहावं!
स्वतः हसता हसता, दुसऱ्यासाठी थोडं रडून पाहावं!!

स्वतः जगताना, थोडंसं इतरांच्यात डोकावून पाहावं!
आपल्या दुःखात डोकावून, थोडंसं सुख त्यात पाहावं!!

कुठेतरी जायचं असताना, थोडं वाट चुकून पाहावं!
चुकलेल्या वाटेवरून, आपल्या दिशेला थोडं वळून पाहावं!!

कधीतरी वाटतं, कोणीतरी आपल्याला आपलंसं म्हणावं!
स्वतःला विसरून कोणामध्येतरी, एकदा तरी असच जगावं!!

कधीतरी स्वतः होऊन कोणासाठी तरी जगावं!
जगण्यातला आनंद थोडं तरी वाटून पाहावं!!

कोणीतरी म्हणालं आहे, थोडं असं ही जगून पाहावं!
जगता जगता थोडंसं का होईना मरून ही पाहावं!!